|
૧૦. મીલીટરી પેન્શન કે અન્ય કોઈ પણ પ્રકારના સરકારી કે અર્ધ સરકારી વિભાગમાંથી પેન્શન ન મેળવતા હોય તેવા પૂર્વ સૈનિકો અને તેઓના ધર્મપત્નિઓ, સ્વ. પૂર્વ સૈનિકોના ધર્મપત્નિઓ તથા નિવૃત્ત મીલીટરી અધિકારીઓ અને સ્વ. અધિકારીઓના ધર્મપત્નિઆને નિયત કરેલ ગંભીર રોગોના સારવાર ખર્ચની આંશિક રકમ સહાય :
- કેન્સરની સારવાર માટે સહાય ( સર્જરી, રેડીયો થેરાપી અને કેમો થેરાપી).
- હ્રદય રોગના ઓપરેશન સારવાર માટે સહાય (એન્જીયોગ્રાફી, એન્જીઓપ્લાસ્ટ, ઓપનહાર્ટ સર્જરી, વાલ્વ રીપ્લેસમેન્ટ, પેસ મેકર ઈમ્પ્લાંટ, બાય પાસ સર્જરી અને કોરોનરી આર્ટરી સર્જરી).
- કીડની બદલવા અને પ્રત્યારોપણ માટે (ડાયાલીસીસ, કીડની રીમૂવલ અને ટ્રાન્સપ્લાન્ટ (કીડની-અવયવની કિંમત સામેલ નથી).
નોંધ :- અધિકારીશ્રીને ખર્ચના ૭૫% અને અન્ય કેટેગરીને ૯૫%, રૂ.૧,૦૦,૦૦૦/- મર્યાદામાં મળવાપાત્ર છે.
પાત્રતાના સામાન્ય નિયમો :-
(૧) મીલીટરી પેન્શન કે અન્ય કોઈ પણ પ્રકારના સરકારી કે અર્ધ સરકારી વિભાગમાંથી પેન્શન ન મેળવતા હોય તેવા પૂર્વ સૈનિકો અને તેઓના ધર્મપત્નિઓ, સ્વ. પૂર્વ સૈનિકોના ધર્મપત્નિઓ તથા નિવૃત્ત મીલીટરી અધિકારીઓ અને સ્વ. અધિકારીઓના ધર્મપત્નિઓને નિયત કરેલ ગંભીર રોગોના સારવાર ખર્ચની આંશીક રકમ મેળવવાની પાત્રતા ધરાવે છે.
(૨) કેન્દ્રીય સૈનિક બોર્ડ ધ્વારા આર્મડ ફોર્સીસ ફલેગ ડે ફંડમાંથી ગંભીર રોગની સારવાર માટે સહાય આપવામાં આવે છે, જેથી પ્રથમ કેન્દ્રીય સૈનિક બોર્ડ પાસેથી સહાય મંજુર કરાવવાની કાર્યવાહી જિ.સૈ.ક. અને પુ. કચેરી દ્વારા કરવાની રહેશે.
(૩) અરજદારે સારવાર લેતા પહેલા રોગના નિદાન અને સારવાર સબંધી નિદાન/સારવાર ભલામણ પત્ર (મેડીકલ કેસ શીટ) મેડીકલ ઓફીસર મીલીટરી હોસ્પિટલ અથવા જિલ્લા સ્તરે આવેલ સિવિલ હોસ્પીટલના સી.એમ.ઓ. અથવા સિવિલ સર્જન પાસેથી મેળવવાનુ રહેશે જેને અરજી સાથે અસલમાં જોડવાનું રહેશે.
(૪) અરજદારે આવી સારવાર ગુજરાત સરકારની હોસ્પિટલમાં અથવા ગુજરાત સરકારે પોતાના કર્મચારીઓની સારવાર માટે માન્ય કરેલ હોય તેવી અથવા મીલીટરી (એકસ સર્વિસમેન કોન્ટ્રીબ્યુટરી હેલ્થ સ્કીમ) ધ્વારા પોતાના સભ્યોની સારવાર માટે માન્ય કરેલ હોસ્પિટલમાં જ કરાવવાની રહેશે.
(૫) સારવાર આપનાર હોસ્પીટલના સક્ષમ મેડીકલ અધિકારી ધ્વારા અધિકૃત કરેલ સારવાર ખર્ચના અસલ બીલો સમરી સાથે રજુ કરવાના રહેશે.
(૬) આ સહાય કેસોમાં નિવૃત્ત મીલીટરી અધિકારીઓને કુલ ખર્ચના ૭૫ ટકા તથા પૂર્વ સૈનિકો, તેઓની ધર્મપત્નિ, સ્વ.પૂર્વ સૈનિકોના ધર્મપત્નિઓ તથા સ્વ. અધિકારીઓના ધર્મપત્નિઓને ખર્ચના ૯૫ ટકા સહાય મળી શકશે.
(૭) આવી સહાય, દવા સાથેના કુલ સારવાર ખર્ચના નિર્ધારીત ટકાની રકમ અથવા રૂ. ૧,૦૦,૦૦૦/- ની રકમ આ બેમાંથી જે ઓછી હશે તે મંજુર કરવામાં આવશે.
(૮) આવા કેસોમાં કોઇ આવક મર્યાદા ધ્યાનમાં લેવાની નથી.
(૯) અરજદાર મા.સૈ. / સ્વ. મા.સૈ. ના ધર્મ પત્નિને અગર કેન્દ્રીય સૈનિક બોર્ડ મારફત ઉપરોકત રોગની સારવાર માટે મળવાપાત્ર સહાય અગાઉ મળી ચૂકી હોય તેવા કિસ્સામાં ફકત ઉપર સ્પષ્ટ દર્શાવેલ રોગો માટે જયારે સારવાર લંબાવવાની જરૂર પડતી હોય તેવા કિસ્સામાં રાજય સૈનિક બોર્ડ ધ્વારા સહાય ચૂકવવામાં આવશે.
(૧૦) આવી સહાય દવા સાથેની કુલ સારવારના ખર્ચ સાથે મળી શકશે.
(૧૧) આવી સારવારમાં એકથી વધુ વખત લંબાવવામા આવેલી સારવાર લઇ શકશે, પરંતુ સ્પષ્ટ કરેલ દરેક બિમારી માટે કુલ સહાયની રકમ વધુમાં વધુ રૂ. ૧,૦૦, ૦૦૦/- (અંકે રૂપિયા એક લાખ પુરા) સુધીની મર્યાદામાં ચૂકવવામાં આવશે.
(૧૨) સદર સારવાર માટે હોસ્પીટલમાંથી રજા મળ્યા બાદ (ડિસ્ચાર્જ થયા બાદ) ૧૮૦ દિવસમાં સહાય માટે અરજી કરવાની રહેશે.
અરજી સાથે જોડવાના થતા દસ્તાવેજો/આધાર પુરાવાઓ :-
- અરજદારની અસલમાં કચેરીમાં નોંધાયેલ અરજી (પરિશિષ્ટ-૮).
- ડોમીસાઇલ પ્રમાણપત્ર (લાગુ હોય તો).
- અન્ય કોઇ જગ્યાએથી અગાઉ આવી સહાય મેળવેલ ન હોવાની બાબતનુ બાંહેધરીપત્ર અરજદારે જિ.સૈ.ક અને પુ.અધિકારીની પ્રતિ સહી કરાવીને રજુ કરવાનુ રહેશે. અરજદારે સારવાર લેતા પહેલા રોગના નિદાન અને સારવાર સબંધી કરવામાં આવેલ નિદાન/સારવાર ભલામણ પત્ર (મેડીકલ કેસ શીટ)મેડીકલ ઓફીસર મીલીટરી હોસ્પિટલ અથવા જિલ્લા સ્તરે આવેલ સિવિલ હોસ્પીટલના સી.એમ.ઓ. અથવા સિવિલ સર્જન પાસેથી મેળવવાનુ રહેશે જેને અરજી સાથે અસલમાં જોડવાનું રહેશે.
- હોસ્પીટલમાં દાખલ થવાની અને રજા આપ્યાની વિગત દર્શાવતી એડમીશન-ડીસ્ચાર્જ સ્લીપ.
- સારવાર આપનાર હોસ્પીટલના સક્ષમ મેડીકલ અધિકારી ધ્વારા પ્રતિસહી કરેલ સારવાર ખર્ચના અસલ બીલો સમરી સાથે.
- ઓળખપત્ર તથા ડીસ્ચાર્જ બુકની પ્રમાણિત કરેલ ઝેરોક્ષ નકલ.
- અરજદારનો સ્થળ પરનો રુબરૂ જવાબ.
- પંચકયાસ.
- કલ્યાણ વ્યવસ્થાપકે સ્થળ પર જઇ કરેલ તપાસ અહેવાલ.(અરજદારે આવી સારવાર ગુજરાત સરકારની હોસ્પીટલોમાં અથવા ગુજરાત સરકારે પોતાના કર્મચારીઓની સારવાર માટે માન્ય કરેલ હોય તેવી અથવા મીલીટરી (એકસ સર્વિસમેન કોન્ટ્રીબ્યુટરી હેલ્થ સ્કીમ) દ્વારા પોતાના સભ્યોની સારવાર માટે માન્ય કરેલ હોસ્પીટલોમાંથી જ લીધી હોવાની પુર્તતા કરાવવાની રહેશે.)
- ડી.ડી.-૪૦ ફોર્મ. જેમાં કલ્યાણ વ્યવસ્થાપક તથા જિ.સૈ.ક અને પુ.અધિકારીની ભલામણ અને કલેકટર અને પ્રમુખ જિલ્લા સૈનિક બોર્ડની ભલામણ બાબતની સહી
|